Një aksident i rëndë ka ndodhur mëngjesin e sotëm, ku një 42-vjeçare shqiptare e identifikuar si Lavdije Istrefi është përplasur nga kamion i mbetjeve në San Dona di Piave, në Itali.
Sipas raportimeve nga mediat e huaja, ngjarja ndodhi mëngjesin e 18 shtatorit, në zonën e Passarellës, pranë Via Paolo VI, teksa gruaja po shoqëronte vajzën e saj 9-vjeçare për në shkollë. Sipas të dhënave paraprake, kamioni ishte në manovrim kur përplasi 42-vjeçaren, e cila mbeti poshtë mjetit.
Pavarësisht ndërhyrjes së menjëhershme të ekipeve të emergjencës, ajo nuk mundi të mbijetonte. Vajza e saj, e cila ndodhej pranë saj në momentin e aksidentit, nuk pësoi dëmtime fizike, por mbeti e tronditur nga ngjarja. Në vendngjarje ndërhynë zjarrfikësit, ekipet mjekësore dhe policia lokale.
Viktima, nënë e tre fëmijëve, është identifikuar si Lavdije Isteri. Policia lokale po heton për të përcaktuar dinamikën e saktë të aksidentit dhe rrethanat që çuan në përplasjen fatale.
gijotina.com/
Discussion about this post