Policia ka arrestuar 20 vjeçarin Elidon Aliu, drejtuesin e automjetit tip ‘Benz’ që shkaktoi aksidentin e rëndë mbrëmjen e djeshme (8 shkurt) në rrugën Sarandë-Ksamil, ku vdiq 15 vjeçari E.Çaushi dhe u plagosj rëndë 24-vjeçari David Çepe.
Aksidenti ndodhi mbrëmjen e djeshme, kur i riu që drejtonte ‘Benz’-in, përplasi të rinjtë që po shtynin automjetin tip ‘Lancia’ në pronësi të 24-vjeçarit David Çepe, për shkak se kishte pësuar një defekt.
I mituri fillimisht mbërriti në spital në gjendje të rëndë, por më pas edhe ndërroi jetë për shkak të plagëve të rënda që kishte pësuar.
Njoftimi i policisë:
Në vijim të informacionit paraprak të dhënë mbrëmjen e djeshme, për një aksident rrugor të ndodhur në aksin rrugor “Sarandë-Ksamil”, ju informojmë se në përfundim të veprimeve procedurale të kryera për këtë rast, specialistët e Seksionit të Policisë Rrugore të Komisariatit të Policisë Sarandë arrestuan në flagrancë shtetasin E. A., 20 vjeç, banues në Sarandë, pasi duke drejtuar automjetin tip “Benz”, ka goditur automjetin tip “Lancia”, që po shtyhej nga disa shtetas, për shkak se kishte pësuar defekt.
Për pasojë humbi jetën në spital, njëri nga këta shtetas, E. Ç., 15 vjeç, si dhe mbeti i dëmtuar drejtuesi i automjetit “Lancia”, shtetasi D. Ç., 24 vjeç, i cili aktualisht ndodhet në spitalin e Traumës, në kujdesin e mjekëve.
Discussion about this post