Një aksident u regjistrua mesditën e kësaj të diele pranë fshatit Qesarat të Memaliajt.
Tre automjete janë përplasur midis tyre, duke bërë që mjeti i markës “Ford” të dalë nga rruga. Për pasojë, një grua ka humbur jetën, ndërsa dy persona kanë mbetur të plagosur
Të plagosurit janë dërguar me urgjencë në spitalin e Gjirokastrës.
Njoftimi i policisë
Rreth orës 11:45, në aksin rrugor “Memaliaj-Krahës”, janë përplasur automjeti me drejtues shtetasin A. M. me automjetin me drejtues shtetasin L. M.. Nga përplasja janë dëmtuar 2 drejtuesit e automjeteve dhe 1 pasagjere ende e paidentifikuar. Si pasojë e dëmtimeve, shtetasja ka humbur jetën, ndërsa 2 drejtuesit e automjeteve janë në kujdesin e mjekëve.
Po punohet për identifikimin e shtetases që ka humbur jetën dhe për sqarimin e rrethanave të aksidentit.
Discussion about this post