Aksidenti fatal në Lushnje, gjendet pas 9 orësh trupi i pajetë i shoferit – Emri

Pas 9 orësh kërkimi, gjendet i pajetë shoferi i makinës tip ‘Ford’ që doli nga rruga dhe përfundoi në oborrin e një shtëpie në anë të aksit Çermë-Lushnjë.

Aksidenti u shënua rreth orës 23:00 të së enjtes në fshatin Konjat. Trupi i Fabjol Ibralliut, 21 vjeç u gjet i pajetë mes shkurreve mëngjesin e sotëm.

Burime policore bëjnë me dije se trupi i gjet nga djali 12-vjeçar i banesës ku përfundoi makina pas aksidentit, 50 metër larg vendit të ngjarjes.

Makina u shkatërrua, ndërsa gjatë natës u kërkua trupi nga banorët, policia e familjarët, por nuk u gjet.

Dyshohet se 21-vjeçari ka qenë duke ngarë makinën me shpejtësi tej normale të lejuara.

Mendohet se ai ka humbur kontrollin mbi drejtimin e mjetit që ka çarë barrierat mbrojtëse anë rrugës dhe ka përfunduar në oborrin e një banese private anë aksit Rrogozhinë-Lushnjë.

“Mbrëmjen e djeshme, rreth orës 23:00, në aksin rrugor ‘Çermë-Lushnjë’, shtetasi F. I., 21 vjeç, duke drejtuar automjetin tip ‘Ford’, dyshohet se për shkak të shpejtësisë së lartë, ka humbur kontrollin dhe për pasojë automjeti ka dalë nga rruga. Nga aksidenti ka humbur jetën shtetasi F.I.”, njoftoi policia.

Lexo edhe:

Momenti kur banorët gjejnë trupin e pajetë të shoferit/ VIDEO