Një aksident tragjik ka ndodhur ditën e djeshme në Greqi ku për pasojë kanë humbur jetën dy persona. Mediat greke, bënë me dije se si pasojë e aksidentit, ka humbur jetën një 15-vjeçare shqiptare, ndërkaq kanë mbetur të plagosur dhe 5 të tjerë.
Ndërkohë nesër, më 6 Korrik do të jepet lamtumira e fundit për Elisën, 15-vjeçaren shqiptare. Dy të lënduarit në aksident janë një djalë 17 vjeçar, shoku i Elisës dhe një 23-vjeçare, e dashura e shoferit të makinës.
Si ndodhi aksidenti fatal
Mesditën e së dielës dy çiftet vendosën të shëtisnin në det , në veri të prefekturës së Chanias.
Pasi janë nisur mesditën e së dielës nga zona e Kandanos, rreth orës katër mjeti i drejtuar nga 23-vjeçari, në lartësinë pas tunelit të Topolisë në Kissamos të Chanias ka dalë nga rruga dhe është përplasur kokë më kokë me një mjet bujqësor që kalonte.
Në automjetin ndodheshin shoferi 23-vjeçar dhe e dashura e tij 23-vjeçare dhe një adoleshente 17-vjeçare dhe e dashura e tij 15-vjeçare , ndërsa në mjetin bujqësor ndodheshin dy persona, drejtuesi i mjetit dhe nëna e tij e moshuar, të cilët morën plagë të lehta.
Discussion about this post