24-vjeçari shqiptar Robert Morina u aksidentua për vdekje kur Audi A3 i tij u përmbys në Gravel Hill, midis Henley dhe Rotherfield Grays, në Britani, më 21 maj. Ai udhëtonte i vetëm në automjet në momentin kur ndodhi aksidenti.
Mediat lokale shkruajnë se një hetim për vdekjen e Morinës u hap në Gjykatën e Kërkimeve të Oksfordit të enjten. Morina, i cili thuhet të ketë qenë një hidraulik praktikant nga Emmer Green, vdiq nga një lëndim i rëndë në kokë. Lidhur me aksidentin, policia arrestoi 5 persona. Dy djem 17-vjeçarë nga Reading u arrestuan me dyshimin se shkaktuan vdekjen për shkak të manovrave të rrezikshme në rrugë, por më vonë u liruan pa asnjë veprim tjetër.
Ndërkohë, 3 persona nga Reading, të moshave 21, 22 dhe 25-vjeç, u arrestuan me dyshimin se shkaktuan vdekjen nga drejtimi i rrezikshëm dhe për veprimtari të lidhura me lëndët narkotike, duke përfshirë qëllimin për të furnizuar me drogë të klasit A. Por edhe ata u liruan, megjithëse mbahen nën hetim.
Discussion about this post