Presidenti i Bullgarisë Ruden Raev u takua sot me kryeministrin maqedonas Zoran Zaev pas ngjarjes së trishtë në Struma ku humbën jetën 46 njerëz si pasojë e djegies së një autobusi. Të dy shtetet janë bashkuar për të përballuar situatën e rëndë pas vdekjes.
Presidenti bullgar Raev i shprehu ngushëllimet Zaevit për vdekjen e shtetasve maqedonas, mes tyre dhe shqiptarë të MV-së.
“Bullgaria dhe Maqedonia e Veriut janë së bashku në pikëllim e tyre. është ky pozicioni i përbashkët i liderëve të Bullgarisë dhe RMV-së për viktimat e aksidentit të rëndë në autostradën e Strumës, ku humbën jetën dhjetëra qytetarë të fqinjit tonë juglindor dhe shumë të tjerë u lënduan”, shkrueht në komunikatën e përbashkët të presidentit bullgar Raev dhe kryeministrit maqedonas Zaev.
Presidenti Raev i siguroi kreut të qeverisë Zaev se autoritetet bullgare po bëjnë të gjithçka për të identifikuar viktimat, shkaqet e aksidentit dhe se do të informojë për gjithçka shtetin maqedonas.
Prej vitesh, Bullgaria dhe Maqedonia e Veriut kanë probleme të vazhdueshme politike mes tyre. Shteti bullgar i ka vendosur veton fqinjit të tij pasi nuk pranon që të njihet në Europë gjuha dhe kombësia maqedonase. Vendosja e vetos nga Bullgaria kundër Maqedonisë së Veriut ka të bëjë me proçesin e hapjes së negociatave për integrim në BE. Nga ky vendim është prekur dhe Shqipëria. Dje, dy anëtarë të Dhomës së Përfaqësuesëve në SHBA i dërguan një letër ambasadorit bullgar në SHBA që vendi i tij të zgjidhë brenda 40 ditëve konfliktin politik me Maqedoninë e Veriut.
Discussion about this post