Aksident i rëndë në Kurbin, humb jetën 32-vjeçarja

Një aksident me pasojë vdekjen ka ndodhur ditën e sotme në aksin rrugor Mbikalimi i Patokut-Laç.

Sipas Policisë, ka humbur jetën shtetasja M. M. 32 vjeçe.

Njoftimi i Policisë:

Rreth orës 07:35, në aksin rrugor Mbikalimi i Patokut-Laç, shtetasja M. M. 32 vjeçe, ka humbur kontrollin mbi drejtimin e automjetit dhe për pasojë automjeti ka dalë nga rruga duke rënë në kanalin anësor të rrugës i cili ishte i mbushur me ujë.

Drejtuesja e automjetit është transportuar për në Spitalin e Traumes Tiranë për ndihmë të specializuar mjekësore, por rrugës ka humbur jetën. Grupi hetimor në vendin e ngjarjes vijon veprimet hetimore për zbardhjen e plotë të rrethanave të ngjarjes.