Ka shkuar në 3 numri i viktimave të aksidentit të rëndë të regjistruar në Rrëshen, në datën 5 tetor. Çifti i bashkëshortëve i cili po merrte mjekim të specializuar në spitalin e Traumës në kryeqytet, ka humbur jetën si pasojë e plagëve të marra. Çifti P.P dhe P.L, ndërruan jetën në spital, ku ishin të shtruar që prej kur ndodhi aksidenti. Me vdekjen e bashkëshortëve, shkon në 3 numri i viktimave nga aksidenti i rëndë i regjistruar në Rrëshen, ku një person humbi jetën pak orë pas përplasjes. Gjithashtu është dhe një tjetër i plagosur i cili po merr mjekim në spital.
Kujtojmë këtu që ngjarja e rëndë ndodhi pasditen e 5 tetorit, ku dy automjetet e markave “Renault” dhe “Ford” u përplasën me njëra-tjetrën. Nga ky aksident fillimisht u raportua për 4 të plagosur, ku njëri prej tyre humbi jetën menjëherë në vendngjarje, teksa bilanci u rëndua ku humbi jetën dhe çifti i bashkëshortëve në spitalin e Tiranës.
