Aksidenti i rëndë në Sarandë, ndërron jetë në spital 15-vjeçari

Pak më shumë se një orë pas një aksidenti të rëndë mbrëmjen e djeshme në Sarandë, ka ndërruar jetë 15-vjeçari që mbeti i plagosur rëndë.

Një automjet tip “Benz” me drejtues shtetasin, Elidon Ali 20 vjeç, u përplas me një automjet tip “Lancia”, i cili si pasojë e një difekti, po shtyhej nga drejtuesi, 24 vjeç, David Cepa dhe 3 shtetas të tjerë.

Si pasojë e aksidentit, njëri prej 3 shtetasve, që po ndihmonin drejtuesin e “Lancia”, konkretisht 15-vjeçari së bashku me drejtuesin u dëmtuan.

Ndërkohë, drejtuesi i automjetit tip “Benz”, shtetasi, është shoqëruar në Komisariatin e Sarandës, për veprime të mëtejshme.

Njoftimi i policisë për ngjarjen

Sarandë/ Informacion paraprak

Rreth orës 21:40, në aksin rrugor Sarandë-Ksamil, një automjet tip “Benz” me drejtues shtetasin E. A., 20 vjeç, është përplasur me një automjet tip “Lancia”, i cili si pasojë e një difekti, po shtyhej nga drejtuesi D. Ç., 24 vjeç, dhe 3 shtetas të tjerë.

Si pasojë e aksidentit, njëri prej 3 shtetasve, që po ndihmonin drejtuesin e automjetit “Lancia”, konkretisht shtetasi i mitur E. Ç., 15 vjeç, së bashku me drejtuesin shtetasin D. Ç, janë dëmtuar dhe ndodhen në spital, në kujdesin e mjekëve, ku gjëndja shëndetësore e 15-vjeçarit paraqitet e rëndë.

Drejtuesi i automjetit tip “Benz”, shtetasi E. A, është shoqëruar në Komisariatin e Sarandës, për veprime të mëtejshme.

Në vendngjarje ndodhet grupi hetimor dhe po kryen veprimet në lidhje me sqarimin e plotë të rrethanave të aksidentit.