Aksidenti i rëndë në Vaun e Dejës, dy të vdekur

Një aksident i rendë me pasojë vdekjen e dy personave ka ndodhur në aksin Mjede – Bushat në Vaun e Dejës. Në aksident janë përfshirë dy automjete dhe përplasja ka qenë e fortë duke sjellë vdekjen e dy personave.

Viktimat janë konfirmuar se janë Ndue Prenga dhe Ndrekë Prenga xhaxha e nip.

“Rreth orës 17:00, në fshatin Mjedë, shtetasi G.B, duke drejtuar automjetin tip “Mercedes Benz”, ka humbur kontrollin mbi drejtimin e automjetit dhe për pasojë automjeti ka dal nga rruga, duke ka përplasur dy këmbësorët, shtetasin N. P., 63 vjeç, i cili si pasojë e përplasjes ka humbur jetën në vendngjarje dhe shtetasin N. P., 43 vjeç., i cili ka humbur jetën gjatë transportimit për në Spital”, njofton policia.

“Nga përplasja është dëmtuar dhe drejtuesi i automjetit, shtetasi G. B., i cili ndodhet në Spital, për ndihmë mjekësore, i shoqëruar nga efektivë të Policisë, pasi pas marrjes së ndihmës mjekësore do shoqërohet në Komisariat për veprime të mëtejshme”, njofton policia.

Përplasja mes dy automjeteve ka qenë tepër e fortë, teksa dyshohet se ka shkaktuar edhe plagosjen e personave të tjerë.