Policia e Tiranës ka arrestuar 39-vjeçaren Ankela Mulleti pasi ditën e djeshme shkaktoi aksidentin në Yzberisht ku i mori jetën Fatmir Avdillrit, i njohur ndryshe si “Xubi Yzberishtit”.
Mësohet se, duke drejtuar mjetin e saj ‘Toyota Yearis’ në bulevardin ‘Migjeni’, në Yzberisht, nga korsia e mesit bëri manovër të gabuar dhe u kthye majtas, duke i prerë kështu rrugën motorit Suzuki me të cilin udhëtonte Avdillri.
Më pas motorri u përplas me një mjet tip ‘Benz’ të parkuar, ndërsa trupi i Avdillarit u përplas mbi xhamin e parë të një makine ‘Opel’. Dëmtime ka pësuar edhe shkaktarja e këtij aksidenti, e cila ndodhet në spital në gjendje të rëndë.
