Aksidenti me 1 viktimë në Milot-Mamurras, reagon policia: Nëna dhe fëmijët në spital

Një aksident i rëndë ka ndodhur në aksin Milot- Mamurras rreth orës 04:30, në afërsi të Mbikalimit të Sanxhakut.

Mësohet se një taksisti  shtetasi L.D. 40 vjeç , ka humbur kontrollin mbi drejtimit e automjetit të tij,  duke dalë jashtë rruge.

Si pasojë, ka ndërruar jetë shtetasja P.Gj. 56 vjeçe, e cila ishte pasagjere, si dhe janë lënduar drejtuesi i mjetit me 3 pasagjerët e tjerë,  shtetasen A.Gj. 30 vjeçe dhe  2 fëmijë, që ndodhen në spital nën kujdes mjekësor.

Autoambulanca e Laçit pas aksidentit i ka dërguar ata për në spitalin e Traumës në Tiranë, ndërkohë që është bërë arrestimi i drejtuesit të mjetit. Dyshohet se shkak për aksidentin është bërë përgjumja e drejtuesit të mjetit.

Grupi hetimor vazhdon veprimet hetimore për sqarimin e plotë të rrethanave të aksidentit.