Banorët afër Rrugës së Arbrit kanë shprehur shqetësim për këtë zonë, një ditë pas aksidentit tragjik që i mori jetën 3 anëtarëve të një familjeje dhe 4 të tjerë u plagosën. Ata pohojnë se disa herë janë bërë protesta për këtë gjendje. Sipas banorëve, në rrugë nuk ka asnjë sinjalistikë dhe siguri, as për ta dhe as për drejtuesit e mjeteve. “Rruga u hap vetëm për fushatë, për të prerë shiritin. Nuk ka asnjë mbikalim apo nënkalim. Kemi frikë që të ecin rrugës, të kalojmë nga një krah në tjetrin. Nuk ka tabela apo dhe ndriçim”, thanë ata për mediat.
Kujtojmë se aksidenti ndodhi dje në afërsi të urës Qeranecit. Mësohet se tre viktimat janë vëllezërit Kujtim dhe Murat Istrefi, dhe Lulzime Istrefi nga Maqellara. Po ashtu u plagosën Mërgim Lazri 25 vjeç, Edison Lazri 20 vjeç, Kadrie Markeçi dhe Firuze Istrefi 56 vjeç.
Discussion about this post