Blutë e Gjirokastrës japin detaje nga aksidenti i rëndë në aksin Gjirokastër-Tepelenë, ku mjeti tip “Opel” është përplasur me automjetin tip “Benz”, duke lënë 4 të plagosur. Sipas policisë, përplasja ndodhi në vendin e quajtur “Ura e Kardhiqit”, rreth orës 19:05.
Gjithashtu bëhet me dije se gjatë aksidentit janë plagosur 4 pasagjerët që ndodheshin në mjetin tip “Benz”, të cilët u transportuan për të marrë ndihmë mjekësore në spital.
“Rreth orës 19:05, në rrugën nacionale Gjirokastër-Tepelenë, në vendin e quajtur “Ura e Kardhiqit”, automjeti tip “Benz” me drejtues shtetasin E. D., 38 vjeç, banues në fshatin Hormovë, Tepelenë, është përplasur me automjetin tip “Opel” me drejtuese shtetasen M. D., 42 vjeçe, banuese në Gjirokastër.
Për pasojë kanë marrë dëmtime 4 pasagjerët që ndodheshin në automjetin tip “Benz”, të cilët u transportuan për të marrë ndihmën mjekësore në spital dhe ndodhen jashtë rrezikut për jetën.”-njofton policia.
Discussion about this post