Edison Bregaj, 24 vjeç, me banim në Shkodër, është drejtuesi i automjetit që doli nga rruga në aksin rrugor “Këlcyrë-Përmet”, konfirmoi policia. Nga aksidenti tetë persona humbën jetën.
Shtatë personat e tjerë që mbetën të vdekur, sipas bluve, dyshohet se ishin emigrantë të paligjshëm.
Makina tip “Benz” që përfundoi e shkatërruar anë Vjosës rezulton e marrë me qira në Shkodër nga një tjetër person, i cili është shoqëruar nga blutë për tu marrë në pyetje.
“Nga verifikimet e kryera rezulton se automjeti tip ‘Benz’ që drejtonte shtetasi E.B. është marrë me qira në qytetin e Shkodrës, nga shtetasi A.Gj., 26 vjeç. Policia e Shkodrës ka shoqëruar në Komisariat, shtetasin A. Gj., për ta marrë në pyetje për rastin. Grupi hetimor, në drejtimin e Prokurorisë, vijon punën për dokumentimin e plotë të ngjarjes”, thuhet në një njoftim të bluve.
Discussion about this post