Një qytetar, i cili u përplas nga një motor mesditën e sotme në rrugën hyrëse të Lushnjes, ka humbur jetën në orët e pasdites në spitalin e qytetit. Aksidenti ndodhi në vendin e quajtur “Rotondo e Plugut”, ndërsa viktima është shtetasi Gramoz Xhumari (D.), 49 vjeç.
Ky i fundit, teksa po kalonte rrugën, është përplasur nga një motor, që drejtohej nga shtetasi Ledion Duro, 37 vjeç, banues në Lushnjë.
Edhe ky i fundit ka mbetur i plagosur dhe ndodhet në gjendje të rëndë në spitalin e Traumës në Tiranë
Pas hetimeve në vendin e ngjarjes, Policia i ka referuar materialet në Prokurorinë e Fierit, për veprime të mëtejshme procedurale.
Discussion about this post