Policia ka reaguar lidhur me aksidentin e rëndë që u shënua mbrëmjen e sotme në aksin rrugor Elbasan-Tiranë, ku mbeti i plagosur rëndë një efektiv policia.
Në pranga është vënë shoferja me iniciale S.V., 51- vjeçe e cila duke drejtuar mjetin tip “Lancia” ka përplasur punonjësin e Policisë të qarkullimit rrugor të DVP Elbasan, shtetasin F. B., 53 vjeç, i cili është transportuar në spital dhe ndodhet në gjendje të rëndë për jetën.
Punonjësi i Policisë ishte në krye të detyrës, pasi kishte shkuar për të trajtuar një aksident të ndodhur më parë, daljen e një automjeti nga rruga, në këtë aks.
Ngjarja ka ndodhur në fshatin Gracen, ndërsa shkak dyshohet të jetë bërë shpejtësia përtej normave të lejuara.
Grupi hetimor po punon për zbardhjen e plotë të rrethanave të aksidentit.
Discussion about this post