Një prej të plagosurve në aksidentin e ndodhur në aksin Korçë-Bilisht ka ndërruar jetë në spitalin rajonal të Korçës. Nga raportimet mësohet se viktima është Miranda Malolli, rreth 50 vjeç.
Në aksident u përfshinë dy automjete, një Mercedez dhe një Volkswagen Caddy, që u përplasën kokë më kokë.
Si pasojë e përplasjes së fortë, automjeti Volkswagen është kthyer përmbys, ndërsa u raportua për disa të plagosur, njëri prej të cilëve ndërroi jetë pak minuta pas aksidentit.
Ndërkohë raportohet se dy prej të plagosurve kanë pësuar fraktura të gjymtyrëve, por ndodhen jashtë rrezikut për jetën.
Njoftimi:
Informacion shtesë në lidhje me aksidentin e ndodhur pasditen e sotme, pranë fshatit Cangonj.
Në vijim të informacionit paraprak, që bën fjalë për aksidentin e ndodhur në aksin rrugor “Korçë-Kapshticë”, pranë fshatit Cangonj, ju informojmë se është përplasur automjeti tip “Ford” me drejtues shtetasin E. M., me automjetin tip “Benz” me drejtues shtetasin A. Sh.
Për pasojë ka ndërruar jetë pasagjerja që lëvizte me automjetin tip “Ford”, shtetasja M. M., rreth 50 vjeçe, banuese në fshatin Eçmenik, Devoll dhe janë plagosur 7 shtetas, konkretisht dy drejtuesit e automjeteve shtetasit E. M. dhe A. Sh., dhe 5 pasagjere të automjetit tip “Ford”, të cilët u transportuan për mjekim në spitalin e Korçës.
Grupi hetimor po kryen veprimet e mëtejshme për sqarimin e rrethanave të aksidentit.
Discussion about this post