Ka humbur jetën çiklistja e cila ra në humnerë në aksin Përmet-Leskovik. Lajmi u raportua këtë mesditë, ku rreth orës 13:30, në aksin rrugor Përmet-Leskovik, në vendin e quajtur “Kthesa e Zhepes”, shtetasja austriake H. F., rreth 70 vjeçe, duke udhëtuar me biçikletë, me një grup turistësh, ka humbur kontrollin mbi drejtimin e biçikletës dhe është rrëzuar nga biçikleta.
Ajo ka rënë në një greminë, nga ku ishte e vështirë të nxirrej nga qytetarët. Këta të fundit kanë njoftuar menjëherë ambulancën. Por, çiklistja nuk ka mundur t’u shpëtojë plagëve të marra dhe si pasojë ka humbur jetën. Në vendngjarje kanë shkuar shërbimet e Policisë dhe grupi hetimor dhe vijon punën për sqarimin e plotë të rrethanave të ngjarjes.
Aksident në aksin Përmet-Leskovik, çiklisti i huaj bie në greminë
Discussion about this post