Një aksident rrugor është shënuar rreth orës 19:10 në vendin e quajtur “Ish Agjensia”, ku dy automjete janë përplasur me njëra-tjetrën. Përplasja e mjeteve ka qenë e fortë, pasi janë plagosur gjashtë vetë.
Dy prej të aksidentuarve janë në gjendje të rëndë dhe janë nisur menjëherë drejt spitalit të Traumës në Tiranë. Sipas policisë, të plagosur mbetën dy drejtuesit e automjeteve dhe 4 pasagjerë që udhëtonin me to.
Mat / Informacion paraprak
Rreth orës 19.10, në vendin e quajtur “Ish Agjensia”, në Burrel, shtetasi A.L., 38 vjeç, duke drejtuar automjetin tip “Benz”, është përplasur me një automjet tjetër me drejtues shtetasin L.K., 36 vjeç.
Si pasojë e përplasjes, kanë mbetur të lënduar dy drejtuesit e automjeteve dhe 4 pasagjerë që udhëtonin me to, të cilët po marrin ndihmë mjekësore në spital.
Grupi hetimor ndodhet në vendngjarje dhe po punon për zbardhjen e plotë të rrethanave të aksidentit.
gijotina.com/
Discussion about this post