Policia e Krujës ka dhënë versionin zyrtar lidhur me aksidentin e rëndë të regjistruar mbrëmjen e sotme në aksin Thumanë-Fushë Krujë. Policia bën me dije se një automjet me drejtues personin me inicialet D.A. është përplasur me një makinë tjetër, shoferi i të cilit nuk është identifikuar ende.
Si pasojë e përplasjes, është plagosur personi me iniciale D.A. i cili është dërguar në Spitalin e Traumës në Tiranë.
Ndërkohë, 3 persona të tjerë kanë mbetur në automjete teksa zjarrëfikësit po punojnë për nxjerrjen e tyre.
Policia ndodhet në vendngjarje dhe heton për shkaqet dhe rrethanat e aksidentit.
Discussion about this post