Aksidenti në Librazhd/ Policia njoftim zyrtar: Janë dëmtuar 4 persona, ndodhen jashtë rrezikut për jetën

Policia ka dhënë detaje në lidhje me aksidentin e ndodhur në fshatin Polis Vila në Librazhd.

Për pasojë janë lënduar 4 persona, që ndodhen jashtë rrezikut për jetën.

Elbasan/Informacion paraprak

Në fshatin Polis Vila, automjeti me drejtues shtetasin R. B., ka dalë nga rruga.

Për pasojë janë dëmtuar 4 shtetas që udhëtonin në këtë automjet, të cilët po transportohen me ambulancë për ndihmë mjekësore dhe janë jashtë rrezikut për jetën.

Grupi hetimor vijon punën për përcaktimin e rrethanave të aksidentit.