Policia njoftoi mëngjesin e sotëm se rreth orës 06:30, në aksin Lushnjë-Tiranë, është regjistruar një aksident me pasojë plagosjen e tre personave, mes tyre dy të mitur.
Automjeti me tre anëtarë të një familje brenda ka humbur kontrollin dhe ka dalë nga rruga.
Si pasojë mbeti i plagosur shoferi i mjetit, si dhe dy fëmijët e tij të mitur të cilët me urgjencë u dërguan në spitalin e Lushnjës.
Personi i cili u përfshi në aksident është biznesmeni Kristian Boçi dhe dy fëmijët e tij të mitur.
Boçi dhe dy fëmijët e tij janë dërguar me urgjencë me autoambulancën e Lushnjës mëngjesin e sotëm.
Raportohet se Boçi ka pësuar fraktura në kokë, ndërkohë fëmijët e tij kanë pësuar dëmtime të lehta. Gjendja shëndetësore e të treve, sipas burimeve spitalore, është stabël.
Në fund të muajit Qershor emri i Kristian Boçit u përfol në media pasi ai ishte në mesin e disa personave të cilëve prokuroria e Tiranës u sekuestroi pasuri me vlerë 50 mln euro.
Mes tyre ishte dhe Elman Abule, i cili sipas akuzës, në bashkëpunim me Boçin dhe persona të tjerë, kanë themeluar një sërë shoqërish tregtare, me qëllimin maskimin e kryerjes së aktiviteteve të paligjshme, një skemë e mirëfilltë e pastrimit të parave.
Në një reagim pas akuzave, Boçi u shpreh se “për 47 vite i kam dhënë më të mirën time, kam ndarë dhe kafshatën e fundit me atë që s’ka. Kurrë si kam hy ne hak vendit tim, as me vjedhje, as me tendera, as me krime, as me poste, as edhe me një lloj gjëje që cenon ligjin e vendit tim”.
Lexo edhe:
Iu sekuestruan 50 mln Euro/ Kush janë Kristian dhe Drilona Boçi, emra të njohur në rrjetet sociale
Discussion about this post