Skerdi Konica është i riu i cili mbrëmjen e sotme aksidentoi për vdekje një të moshuar në Maliq të Korçës.
Sipas hetimeve të policisë, viktima Petraq Premti inxhinier minierashka dalë nga një lokal dhe ka qenë duke ecur në buzë të rrugës. Goditja ka qenë aq e fortë sa ish këshilltari i këshillit bashkiak të Korçës 64- vjeçari Petraq Premtin e ka hedhur në ajër dhe e ka tërhequr zvarrë për gati 100 metër duke i shkaktuar kështu vdekjen e menjëhershme.
Policia në vendin e ngjarjes po heton për shkaqet e aksidentit ndërkohë që ka shoqëruar në polici Skerdi Konica drejtuesin e mjetit për tu marrë në pyetje për aksidentit e ndodhur.Paraprakisht dyshohet se shkak është bërë shpejtësia përtej normave të lejuara ndërsa, policia ndodhet në vendngjarje për zbardhjen e rrethanave.
Duhet thënë se kryqëzimet e këtij aksi përfshi edhe këtë të fshatit Pocestë mbeten të rrezikshëm. Ky kryqëzim gjatë viteve të fundit ka regjistruar disa aksidente me pasojë vdekjen.
Discussion about this post