Ka ndërruar jetë në spital këmbësori që u përplas ditën e sotme në fshatin Rëmbec të Maliqit. Këmbësori u nis në gjendje të rëndë drejt spitalit të Korçës, mirëpo s’mundi që t’i bënte ballë plagëve që mori, duke gjetur vdekjen.
“Më datë 24.04.2022, rreth orës 11:00, jemi njoftuar se në aksin rrugor Korçë-Pogradec, në afërsi të kryqëzimit të fshatit Drithas, Maliq, shtetasi L. T., banues në fshatin Rëmbec, Maliq, duke drejtuar mjetin tip “Benz” ka aksidentuar këmbësorin K. H., banues në Rëmbec, i cili u transportua për mjekim në Spitalin e Korçës, ku ka ndërruar jetë”, njofton policia.
Policia ka bërë të mundur ndalimin e drejtuesit të mjetit duke e shoqëruar në komisariat.
Discussion about this post