Delina Cara 50- vjeç ka ndërruar jetë në spitalin e traumës në Tiranë, pasi u aksidentua në Milot. 50- vjeçarja u përplas mbrëmjen e sotme nga një kamion teksa ishte duke ecur. Ngjarja ka ndodhur në afërsi të një karburanti në aksin rrugor Milot Rrëshen. Delina Cara u dërgua në spitalin e Traumës, por nuk ka mundur t’u mbijetojë dëmtimeve që ka pësuar si pasojë e përplasjes.
Drejtuesi i mjetit është shoqëruar në Komisariatin e Policisë Kurbin, për veprime të mëtejshme.
Paraprakisht dyshohet se shkak i këtij aksidenti të rëndë është bërë shpejtësia përtej normave të lejuara dhe mos respektimi i sinjalistikave rrugore. Theksojmë se ky aks është bërë shpesh burim aksidentesh ku kanë mbetur të plagosur dhjetëra këmbësorë e shumë të tjerë kanë ndërruar jetë.
Grupi hetimor ndodhet në vendngjarje dhe po punon për sqarimin e plotë të shkakut dhe rrethanave të ngjarjes.
Discussion about this post