Ka ndërruar jetë në Spitalin Traumës në Tiranë një prej personave që mbeti i plagosur pasditen e sotme në aksidentin e ndodhur në aksin Milot-Rrëshen.
Sipas burimeve zyrtare nga policia, ka ndërruar jetë në spitalin e Traumës drejtuesi i mjetit tip “Ford” shtetasi Agron Sotjani., 52 vjeç, banues në Mamurras, Kurbin.
Tre gratë të cilat udhëtonin me mjetin tjetër ndodhen në gjendje të rëndë tek Trauma. Aksidenti ndodhi rreth orës 16:55, pranë fshatit Skuraj ku u përplasën një mjet tip ‘Renault’ me një tip ‘Ford’, të dyja duke pësuar dëmtime të rënda.
Aksident i rende është shënuar pak orë parë në aksin rrugor Milot-Rrëshen, ku raportohet për 4 persona të cilët janë dërguar me urgjencë në spitalin e Traumës në Tiranë.
Grupi hetimor ndodhet në vendin e ngjarjes e po punon për zbardhjen e shkaqeve të këtij aksidenti.
