Policia e Tiranës ka vënë në pranga drejtuesin e mjetit, i cili akuzohet se është shkak i aksidentit të ditës së djeshme në Rinas, ku si pasojë humbi jetën pacientja që ishte në ambulancë.
Drejtuesi i mjetit, tanimë i arrestuar nga uniformat blu mësohet se është Ilir Shullazi, 56 vjeç. Sipas njoftimit të policisë mësohet se ky shtetas teksa drejtonte mjetin ambulancë është përplasur me një tjetër mjet, i cili kishte si drejtues personin me inicialet A. A. Më pas është aksidentuar sërish duke u përplasur me një tjetër mjet të ndaluar, me drejtues B. N., 46 vjeç. Si pasojë e përplasjes ka humbur jetën pasagjeria e ambulancës, shtetasja Anila Berdaku 42 vjeçe.
Nga përplasja ambulanca është batuar në rrugë. Si pasojë e aksidentit ka gjetur vdekjen brenda në ambulancë pacientja Anila Berdaku 42 vjeçe, e cila ishte nisur nga Fushë-Kruja për në Tiranë pasi kishte pasur probleme me frymëmarrjen.
Discussion about this post