Policia ka dalë me njoftin zyrtar për aksidentin e ndodhur në orët e para të mëngjesit në autostradën Kalimash – Morinë ku humbi jetën një i ri, ndërsa miku u tij ndodhet në gjendje të rëndë.
Sipas njoftimit, aksidenti ka ndodhur rreth orës 04:00, në autostradën Kalimash – Morinë, në afërsi të urës së Kolshit, ku mjeti tip “Benz”, në të cilin udhëtonin A. Rr., 25 vjeç dhe Xh. L ., 19 vjeç, ka dalë nga rruga dhe ka rënë në humnerë.
Si pasojë, A. Rr. ka humbur jetën. Nga shërbimet e Policisë dhe të Zjarrfikëses është bërë e mundur nxjerrja e trupit të pajetë të të riut, ndërsa 19-vjeçari është dërguar në spitalin e Tiranës, në gjendje të rëndë shëndetësore.
Discussion about this post