Është identifikuar personi që mbeti i vdekur si pasojë e një aksidenti që ndodhi mëngjesin e sotëm në Shkodër. Sipas burimeve, viktima është Shefik Zagani62 vjeç, banues në fshatin Shkjezë, Bushat. Mësohet se shkak për aksidentin është bërë shpejtësia e nga të dy drejtuesit e mjeteve. Kujtojmë se, aksidenti ka ndodhur në fshatin Stajkë, Shkodër mjeti me drejtues shtetasin S. J., 28 vjeç, banues në Lezhë, është përplasur me një motomjet me drejtues Shefik Zaganin, i cili nuk mundi t’u mbijetojë plagëve të marra nga goditja e rëndë.
Sakaq, sikur duket nga pamjet viktima po udhëtonte me motoçikletë dhe nga goditja e fortë ka rënë mbi xhamin e makinës, ndërsa qesja me ushqime dhe sendet e tij personale ka përfunduar në anën tjetër të rrugës. Në vend ngjarjes shihet kapela e viktimës e rënë në tokë, është e mbuluar me copa xhami, pasi xhami i përparmë i makinës së autorit është dëmtuar krejtësisht nga përplasja e rënë që i ka bërë viktimës. Ambulanca si shumë herë në këto raste nuk ka mbërritur në kohë, pasi nga pamjet e siguruara duket që viktima për disa minuta është mbuluar me çarçaf dhe është lënë në anën tjetër të rrugës, në pritje të ambulancës për të çuar në morgun e spitalit më të afërt.
Bëhet me dije se, drejtuesi i automjetit shtetasi S.J, është shoqëruar në ambientet e Policisë, për veprime të mëtejshme, për të zbardhur shkaqet e vërteta të aksidentit që rezultoi fatal për njërin prej shoferëve.
Discussion about this post