Gjykata e Vlorës ka lënë në burg ditën e sotme 22-vjeçarin Igli Madani, i cili shkaktoi të premten aksidentin tragjik që i mori jetën tragjikisht 4 anëtarëve të familjes Gushi në autostradën Fier-Vlorë.
Madani nuk ishte i pranishëm ndërsa është paraqitur avokati me prokurë. Avokat ishte Remzi Mehmetaj. Seanca është drejtuar nga gjykatësja Viola Canaj.
Ngjarja e rëndë ndodhi mëngjesin e së premtes, në zonën e njohur si “Zona e Kripës” në aksin Fier-Vlorë. “Audi” përplasi makinën e llojit “Toyota” dhe shkaktoi kështu vdekjen e katër anëtarëve të një familjeje. Më pas u përplas me shtyllën elektrike dhe për fundoi në kanal. Dy personat që u ndodhen brenda mjetit “Audi” u plagosën lehtë.
