Aksidenti në Zvicër, humbin jetën dy shqiptarë. Detajet

Një aksident i rëndë ka ndodhur të shtunën në Urnasch të Zvicrës. Sipas Albinfo.ch dy shqiptarë të moshës 18 -vjeçare, kanë vdekur në këtë aksident.

Raportohet se njëri nga ta është nga Prishtina që jeton në Flawil e tjetri nga Kumanova që jeton në Gossau.

Autoritetet raportojnë se dy persona të tjerë janë dërguar në spital.

Aksidenti ka ndodhur pak para orës 3 të mëngjesit, ku në një makinë ishin katër persona prej moshë 18 deri në 21 vjeç.

Policia njofton se ata ishin nisur nga Urnäsch-i drejt Schwägalp-it, shkruan polizeinews.ch.

Rasti ka nisur të hetohet. Ende nuk dihen shkaqet që çuan deri tek ky aksident.

Shkaku i saktë i aksidentit po hulumtohet nën drejtimin e prokurorisë publike të kantonit Appenzell Ausserrhoden dhe nga specialistë të policisë kantonale.

Për të siguruar provat janë thirrur shërbimi mjekoligjor dhe Instituti i Mjekësisë Ligjore i St Gallen-it.

Rruga Schlägalpstrasse u desh të mbyllej në të dy drejtimet në mënyrë që të realizohej hetimi i aksidentit, i cili zgjati rreth pesë orë.

15 pjesëtarë të departamentit të zjarrfikësve Urnäsch dhe 14 anëtarë të departamentit të zjarrfikësve të bazës Herisau u vendosën për të mbyllur rrugën. Ka pasur dëme materiale prej disa mijëra frangash.