Spitali Universitar i Traumës ka dhënë informacione të reja mbi gjendjen e të plagosurve nga aksidenti i rëndë në autostradën Tiranë-Durrës.
Sipas spitalit, pesë pacientë janë larguar nga spitali jashtë rrezikut për jetën, ndërsa gjatë ditës pritet të dalë edhe një tjetër.
Një 8-vjeçar vijon të trajtohet në Reanimacion me parametra jetësorë stabël. Në të njëjtin repart ndodhet edhe një 56-vjeçare me origjinë vietnameze dhe nënshtetësi çeke, e cila është në gjendje të rëndë, por me parametra jetësorë stabël.
Një 14-vjeçar ndodhet jashtë rrezikut për jetën dhe po trajtohet në pavion për dëmtime në gjymtyrët e poshtme.
Ndërkohë, pacientët e tjerë që i janë nënshtruar ndërhyrjeve kirurgjikale kanë gjendje të stabilizuar dhe vijojnë të mbahen nën monitorim intensiv. Mes tyre është edhe një shtetase çeke 20-vjeçare me origjinë vietnameze.
Kujtojmë që nga aksidenti i rëndë humbi jetën drejtuesi i autobusit, shtetasi Redion Hasimi 36 vjeç, ndërsa 15 pasagjerë mbetën të plagosur.
Grupi hetimor i policisë dyshon se aksidenti i rëndë ka ndodhur për shkak të arrestit kardiak të shoferit 36 vjeçar Redion Hasimi. Kjo pasi drejtuesi i mjetit nuk ka frenuar dhe nuk ka tentuar të ndalojë mjetin, megjithatë do të jetë ekspertiza mjekoligjore që do e përcaktojë me saktësi shkakun.
Informacion i përditësuar nga ministria e Shëndetësisë:
Spitali Universitar i Traumës njofton se ekipi multidisiplinar i SUT ka qenë në gatishmëri dhe ka ndjekur në dinamikë pacientët e përfshirë në aksidentin e ndodhur në autostradën Tiranë–Durrës.
5 pacientë, të cilët ditën e djeshme janë paraqitur koshientë dhe më të stabilizuar, pas trajtimit mjekësor sipas protokolleve përkatëse, janë larguar nga spitali jashtë rrezikut për jetën, me këshillë nga mjeku.
Gjithashtu, pritet që edhe një pacient tjetër të largohet nga spitali gjatë ditës, jashtë rrezikut për jetën dhe me këshillë nga mjekët.
I mituri 8-vjeçar ndodhet në Reanimacionin e SUT, me parametra jetësorë stabël.
Gjithashtu, në Reanimacion ndodhet edhe një shtetase vietnameze me nënshtetësi çeke, 56 vjeç, e cila është në monitorim intensiv. Ajo paraqitet me parametra jetësorë stabël, por në gjendje të rëndë shëndetësore për shkak të dëmtimeve të shumta të marra.
Fëmija 14-vjeçar ndodhet jashtë rrezikut për jetën, në pavion, nën kujdesin e stafit mjekësor, me dëmtime në gjymtyrët e poshtme.
Sa i përket pacientëve që ndodhen ende në observimin e Urgjencës dhe që i janë nënshtruar ndërhyrjeve kirurgjikale, gjendja e tyre shëndetësore është e stabilizuar dhe do të vijojnë të qëndrojnë në monitorim intensiv. Ndër ta është edhe një shtetase çeke me origjinë vietnameze, 20 vjeç.
Discussion about this post