Detaje të rënda kanë dalë nga aksidenti tragjik me 4 viktima në Itali. Sipas asaj që raportojnë mediat italiane, O.Lame, shoferi 32-vjeçar i makinës që u përplas në një shtëpi të pabanuar në fshatin Via Emilia, midis Villa Gaida dhe Cadè, në Reggiano mbrëmjen e së dielës, rezultoi pozitiv në testet toksikologjike.
Nga analizat e kryera në spitalin Reggio Emilia ku ndodhet i riu në gjendje kritike, u konstatuan droga të ndryshme dhe alkool në gjak.
Aksidenti tragjik u mori jetën katër personave: 22-vjeçarja Shane Hyseni, djali i saj një vjeç e gjysmë Mattias, dhe vëllai dhe motra e saj, Resat dhe Rejana 9 dhe 11 vjeçe, banues në Parma. Trupat e viktimave do të qëndrojnë në Coviolo (Parma) deri në nisjen e tyre për në Shqipëri, ku do të zhvillohet edhe varrimi.
Discussion about this post