Vilma dhe Arjan Konomi janë çifti që u përplasën nga makina tip “G Class” pranë kompleksit Delijorgji. Të dy ata morën plagët të rënda dhe për momentin ndodhen në Spitalin e Traumës jashtë rrezikut për jetën. Burimet bëjnë me dije se, gruaja ishte në gjendje më të rëndë se bashkëshorti i saj për shkak të impaktit të përplasjes, por ndihma mjekësore profesionale që mori në momentin e aksidentit i ka shpëtuar jetën.
Ishin bluzat e bardha të laboratorit “Genius”, shumë pranë vendit të ngjarjes që shkuan për t’u dhënë ndihmën e parë të aksidentuarve, që ka qenë vendimtare për gruan 43-vjeçare. Ata mundën të mbanin në jetë gruan dhe pastaj ka ardhur ambulanca që i ka shoqëruar për në komisariat. Për fat të mirë, foshnja nuk pësoi asnjë dëmtim. Çifti ishte duke kaluar në vijat e bardha ku makina ka ardhur me shpejtësi dhe i ka përplasur rëndë.
Discussion about this post