12 persona raportohet se kanë humbur jetën në aksidentin e frikshëm në një autostradë në Kroaci, ku autobusi me targa polake ka dalë nga rruga.
Mësohet se 11 prej viktimave ndërruan jetë në vendngjarje, ndërsa një prej tyre në spital. “Sipas disa informacioneve, bëhet fjalë për një grup që kishte planifikuar të shkonte në pelegrinazh në Medjugorje”, tha ministri Davor Bozhinoviç.
Sipas përditësimit të fundit nga aksidenti kanë mbetur të lënduar 31 pasagjerë, 18 prej tyre janë në gjendje të rëndë shëndetësore.
Sipas informacioneve nga mediat polake, në mesin e pasagjerëve në autobus ishin 3 priftërinj dhe 6 murgesha.
“Të gjitha shërbimet e urgjencës kanë dalë menjëherë në terren. I pari ka dalë urgjenca, 16 ekipe, më pas policia, zjarrfikëset dhe sigurisht punonjësit e KSHA-së”, tha ministri i Brendshëm.
Ndërkohë dyshohet se në autobus mund të jetë persona të tjerë, ndërsa disa prej të plagosurve janë në gjendje të rëndë.
Discussion about this post