Vetëm pak ditë më parë, u shënua një aksident tragjik me 5 viktima në Qafë Muzinë, ndërsa sot e mbijetuara e vetme në furgonin që përfundoi në greminë, Greta Dabërdini ka rrëfyer gjithë tmerrin e ngjarjes.
Pas aksidentit, Dabërdini u transportua me urgjencë në spitalin e Traumës dhe mësohet se ajo ka thyerje të krahut dhe ka kryer një operacion.
E reja tregon se nuk ka folur për asnjë media, pasi ishte e tronditur nga ngjarja që kishte ndodhur. Ndërsa kujton edhe njëherë momentin kur rreth saj kishte 5 persona të vdekur dhe në asnjë moment nuk ka dalë para gazetarëve për të shprehur lumturinë se ishte gjallë.
Ndër të tjera Gertaka treguar se nuk është kontaktuar aspak nga një familjar i shoferes që drejtonte Land Roverin, e cila është arrestuar. Sipas saj kjo nuk ka asnjë rëndësi, por thjesht që diksuh kishte mbetur gjallë.
Theksojmë sërish se fatkeqësisht, nga ky aksident humbën jetën 4 pasagjerë të furgonit dhe shoferi, i cili kishte disa vite që e bënte linjën Tiranë-Sarandë.
