Një aksident tragjik u shënua ditën e sotme në aksin rrugor Milot-Rrëshen, ku u përfshinë tre makina. Një nga automjetet u përfshi nga flakët, ku fillimisht u lëndua e më pas ndërroi jetën një 3-vjeçar që ndodhej në sediljen e pasme të shoferit. Vetëm pak momente më pas u raportua për një tjetër viktimë, që mësohet se është babi i 3-vjeçarit të ndjerë, i identifikuar me emrin Shkurt Prenga. Ndërkohë e ëma e të ndjerit, e cila ndodhej në makinë sëbashku me djalin dhe bashkëshortin, tanimë të pa jetë, mësohet se është plagosur dhe ndodhet në Spitalin e Traumës në Tiranë në gjendje të rëndë shëndetësore. Familja prej tre personash me dy viktima dhe një të plagosur rëndë po udhëtonin me një automjet të tipit “Benz”.
Automjeti i tyre u përplas me një një veturë të tipit “Opel”, ndërsa mjeti “Benz” u shkrumbua plotësisht. Shkaqet e aksidentit nuk janë bërë ende publik, por gjithçka dihet është bilanci tragjik me dy të plagosur rëndë, përkatësisht nëna e 3-vjeçarit dhe bashkëshortja e drejtuesit të mjetit që ndërroi jetë, si dhe raportohet si i plagosur drejtuesi i mjetit “opel”, me të cilin ndodhi përplasja fatal.
Discussion about this post