Janë përcjellë sot në banesën e fundit, nënë e bir që humbën jetën në aksidentin tragjik të ditës së djeshme. Klaudia dhe Samuel Xhaferaj mbeten viktimë e aksidentit të rëndë në Berat, ku makina me të cilin udhëtonin ra në Osum. Dy makina funerali përcollën arkëmortet me trupat e tyre të pajetë. Burimet zyrtare të policisë kanë dalë në përfundimin se shkak për aksidentin e rëndë është bërë “pakujdesia në drejtimin e mjetit” nga vetë 25-vjeçarja,e cila kishte bërë fillimisht një parakalim të gabuar dhe më pas kishte humbur kontrollin, duke u përplasur me kangjellat e rrugës dhe më pas përfunduan në lumë.
Klaudia Xhaferaj kishte lindur në 17 qershor të vitit 1997 në fshatin Zhitom i Madh he në moshën 17-vjeçare ishte martuar. Për vite me radhë ajo dhe burri i saj jetuan me qira në Berat dhe para 4 vitesh blenë shtëpinë e tyre, në katin e pestë të një pallati ekzistues.
Klaudia kishte mbushur 25 vjeçe disa ditë parë dhe bashkëshorti i saj i kishte blerë edhe makinën si dhuratë për ditëlindje, një muaj para se të kishte festën. Nëna e dy djemve kishte 20 ditë që kishte marrë patentën.
Discussion about this post