Aksidenti tragjik në Gramsh: Zbulohen emrat e viktimës dhe të plagosurve

Një aksident i rëndë ka ndodhur pranë fshatit Qerret në Gramsh, ku përplasja e fortë ka shkaktuar një viktimë dhe dy të plagosur.

Sipas burimeve zyrtare, viktima është Arjanit Hysa, 52 vjeç, i cili ka ndërruar jetë në vendngjarje. Ndërkohë, të plagosur kanë mbetur Valmir Sinani, 40 vjeç, dhe Ermir Hysa, 40 vjeç, të cilët janë dërguar në spital për trajtim mjekësor.

Përplasja ka qenë tepër e fortë dhe dyshohet se një nga shkaqet e aksidentit mund të ketë qenë lagështia në rrugë. Policia dhe grupi hetimor ndodhen në vendngjarje dhe po punojnë për të zbardhur rrethanat e plota të ngjarjes.