Është rënduar bilanci i viktimave nga aksidenti tragjik që ka ndodhur sot në autostradën Tiranë-Elbasan në afërsi të TEG. Mësohet se ka ndërruar jetë edhe shoferi 20-vjeçar Klevis Ruçaj, që çau barrierat dhe ra poshtë nga rrethrrotullimi.
Dy vajza humbën jetën nga aksidenti i tmerrshëm i ndodhur këtë pasdite te mbikalimi i TEG-ut dhe 3 të tjerë janë të plagosur. Ndërsa dy vajzat që kanë humbur jetën, udhëtonin në automjetin “Audi” të Klevis Rucaj.
Po ashtu mësohet edhe identiteti i shoferit të automjetit tjetër tip Honda. Ai është 60-vjeçari Qemal Kurti i cili ka mbetur i plagosur së bashku me Alda Kurtin 51 vjeçe.
I plagosur ka mbetur edhe një person tjetër me inicialet O.K, 20 vjeç.
Të plagosurit ndodhen te spitali i Traumës dhe po i nënshtrohen ndërhyrjeve kirurgjikale.
“K.R drejtuesi i automjetit, prognozë e rezervuar, në trajtim mjekësor intensiv;
Pacientët OK., A.K, Q.K, jashtë rrezikut për jetën”, mësohet nga Spitali i Traumës.
Dinamika e aksidentit
Mësohet se automjeti tip “Audi” drejtohej nga 20-vjeçari Klevis Rucaj.
I riu vinte me automjet nga autostrada e Farkës në drejtim të rrethrrotullimit ku edhe ka dalë nga rruga.
Pasi ka thyer barrierat metalike, automjeti ka rënë në rrugën nacionale Tiranë-Elbasan, duke goditur një makinë “Honda” me drejtues Q.K, 60 vjeç.
Njoftimi i policisë – Tiranë/Informacion shtesë
Në vijim të aksidentit të dhënë më parë, të ndodhur në afërsi të rrethrrotullimit të TEG-ut, ku humbën jetën dy shtetase, ju informojmë se:
Si pasojë e dëmtimeve të marra ka ndërruar jetë në spital shtetasi K. R., 20 vjeç, drejtuesi i automjetit tip “Audi”.
Discussion about this post