Aksidenti tragjik në Vlorë/ Policia zbardh ngjarjen: Viktimat janë dy të rinj (Emrat)

Policia e Vlorës ka dal sërish me një njoftim zyrtarë për ngjarjen që ndodhi në sot në by-passin Orikum-Kaninë.

Bëhet me dije se si pasojë e rrëzimit të një kamioni, kanë ndërruar jetë shoferi, shtetasi me inicialet Armand Beu, 32 vjeç si dhe pasagjeri, shtetasi me inicialet Klajdi Kaja, 28 vjeç, banues në Lushnje.

Burime nga grupi i hetimit bëjnë me dije se aksidenti dyshohet se ka ndodhur për shkak të shpejtësisë. Drejtuesi i kamionit së bashku me pasagjerin kishin ngarkuar kamionin me zhavor dhe ishin duke zbritur nga zona e Kaninës për në Orikum.

Nuk dihet nëse ka pësuar defekt apo nuk kanë funksionuar frenat, por drejtuesi i automjetit i cili nga frika se mos dilte nga rruga dhe binte poshtë në humnere është kthyer në mes të rrugës dhe është përplasur me anën e shkëmbit.

Grupi hetimor ndodhet në vendngjarje dhe po punon për zbardhjen e plotë të rrethanave të ngjarjes.