Aksidenti tragjik, përplaset për vdekje 35-vjeçarja (EMRI)

Pothuajse çdo ditë raportohen nga Policia e Shtetit, aksidente me pasojë vdekjen.

Njoftimet zënë vend rëndom në shkresën përcjellëse, ku në vazhdën e ngjarjeve kriminale, disa prej tyre edhe banale, futen edhe dy rreshta për një vdekje aksidentale, e cila mund të ketë ndodhur edhe ditë më parë.

Ditën e djeshme, Matilda Salla 35 vjeç është aksidentuar dhe më pas ka ndërruar jetë në spital.

Një ngjarje tragjike është përcjellë edhe sot nga Policia, e cila duket krejt e parëndësishme. Humbja e jetës së një 35-vjeçareje. Kaq ka mjaftuar për të raportuar një humbje jete. Njoftimi për aksidentin tragjik është bërë pas një njoftimi të rëndomtë për një thyerje mase sigurie “Arrest në shtëpi”.

Njoftimi i Policisë:

Specialistët e Komisariatit të Policisë Rrugore arrestuan shtetasin O. B., 27 vjeç, banues në Tiranë, pasi ditën e djeshme, në rrugën dytësore Tiranë-Durrës, ka aksidentuar shtetasen M. S., 35 vjeçe, e cila si pasojë është dëmtuar dhe ka ndërruar jetë më pas, në spital.