Të paktën 19 persona humbën jetën dhe dhjetëra të tjerë u plagosën në një aksident autobusi turistik në Meksikën qendrore të premten. Autobusi turistik që po shkonte për në një vend fetar në shtetin e Meksikës pati një problem me frenat dhe ra në një ndërtesë, tha në një deklaratë Ministria e Shëndetësisë e Shtetit të Meksikës. Sipas informacioneve zyrtare nga aksidenti pas përplasjes 19 persona u vranë dhe 32 të tjerë u plagosën.
Gjashtë persona, duke përfshirë edhe dy të mitur, u transportuan me avion në një spital në Toluca, ndërsa të tjerët u dërguan në disa spitale në zonë, thanë zyrtarët. Sipas Ministrisë së Shëndetësisë, mes të plagosurve janë shumë gra dhe fëmijë. Sipas informacioneve zyrtare autobusi i përkiste shoqërisë Turismo Tejeda dhe ishte nisur për në Santuario del Señor de Chalma, një vend i krishterë adhurimi.
Pelegrinazhet fetare janë të zakonshme në Meksikë përpara 12 dhjetorit, ditën e Zojës së Guadelupes.
Discussion about this post