Aksidentohet gjatë punës, humb jetën 51-vjeçari në Mirditë

Një 51-vjeçar ka humbur jetën pas një aksidenti në Spaç, teksa ka qenë duke rregulluar një mjet ekskavator.

“Është dërguar në spital, pa shenja jete, shtetasi F.P., 51 vjeç, banues në Malaj, Mirditë. Nga veprimet e para dyshohet se ky shtetas kishte shkuar në Spaç, bashkë me kushëririn e tij, shtetasin P.P., për të rregulluar një mjet ekskavator në ofiçinën ku shtetasi P.P është përgjegjës”, njoftoi policia.

“Gjatë punës, duke ndërruar transmisionin e këtij mjeti, kriku ku mbahej i fiksuar transmisioni është këputur dhe ka goditur shtetasin F.P., i cili për pasojë ka humbur jetën”, shtuan të njëjtat burime.

Një hetim ka nisur për sqarimin e rrethanave të rastit.