Një aksident me vdekje ka ndodhur në orët e para të mëngjesit të sotëm në afërsi të tregut të fruta perimeve, në aksin Fushë Kruje – Tiranë.
Automjeti ka goditur për vdekje të moshuarën Mane Hoxha 70 vjeçe e cila tregtonte në këtë treg. E moshuara ka qene duke kaluar rrugën kur është goditur nga autovetura.
Policia njofton se është arrestuar, autori i aksidentit, një i mitur 16-vjeçar.
Njoftimi i Policisë:
Në vijim të informacionit të dhënë ditën e sotme, për aksidentin e ndodhur në Fushë-Krujë, ku drejtuesi i një automjeti aksidentoi me pasojë vdekjen shtetasen M. H. dhe më pas u largua nga vendi i aksidentit, ju sqarojmë se:
Shërbimet e Qarkullimit Rrugor Krujë kanë bërë identifikimin dhe kapjen e drejtuesit të automjetit, i cili është një shtetas 16 vjeç, banues në Krujë.
Në vijim të veprimeve, pas konsultimit me prokurorin e gatshëm, u bë arrestimi i 16-vjeçarit, për veprat penale “Shkelja e rregullave të qarkullimit rrugor” dhe “Largimi nga vendi i aksidentit”.
Materialet i kaluan Prokurorisë pranë Gjykatës së Shkallës së Parë të Juridiksionit të Përgjithshëm Tiranë, për veprime të mëtejshme procedurale.
Discussion about this post