Një 31-vjeçar nuk iu është bindur urdhrit të forcave të rendit për të ndaluar duke aksidentuar efektivin e policisë. Ngjarja ka ndodhur mbrëmjen e djeshme në orën 21:45 në aksin rrugor Prrenjas-Pogradec.
Bledi Larti i cili po drejtonte mjetin tip “Audi”, kur ka konstatuar policinë, nuk i është bindur urdhrit të punonjësit për të ndaluar, por ka vijuar lëvizjen me shpejtësi duke aksidentuar punonjësin e Policisë së Patrullës së Përgjithshme S. H.,, i cili ndodhet jashtë rrezikut për jetën.
Në ndjekje të automjetit janë vënë shërbimet e tjera të Policisë dhe në qytetin e Librazhdit është bërë i mundur ndalimi i tij.
Larti do akuzohet për veprat penale “Vrasja në rrethana të tjera cilësuese ” e mbetur në tentativë dhe “Shkelja e rregullave të qarkullimit rrugor”.
