Një drejtues mjeti u arrestua nga policia e Dibrës pasi aksidentoi një këmbësore në qytetin e Peshkopisë.
Sipas një informacioni zyrtar, shtetasi I.H , 70 vjeç, duke drejtuar një automjet tip ‘Benz’, ka aksidentuar shtetasen S.T., këmbësore, e cila ndodhet në spitalin e Traumës Tiranë.
“Në përfundim të veprimeve të para hetimore është bërë arrestimi i shtetasit I.H.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Dibër, për veprime të mëtejshme, për veprën penale “Shkelja e rregullave të qarkullimit rrugor””, njoftoi policia.
Discussion about this post