Aksidentoi për vdekje 20-vjeçarin, arrestohet shoferi

Policia ka arrestuar pas disa ditësh, shoferin përgjegjës për përplasjen për vdekje të 20-vjeçarit Florian Sula. Në pranga ra Aristir Dimo.

Ngjarja ndodhi më datë 23 janar 2023 në Elbasan. Shoferi është larguar nga vendngjarja pasi ka shkaktuar aksidentin. Aksidenti ndodhi në Unazën e qytetit.

Policia më 23 janar jepte edhe detaje në lidhje me ngjarjen e rëndë.

“Rreth orës 21:25, në unazën e qytetit, një automjet ende i paidentifikuar, ka aksidentuar, këmbësorin shtetasin F. S., rreth 20 vjeç, dhe është larguar nga vendi i aksidentit. Si pasojë shtetasi F. S., ka ndërruar jetë rrugës për në spital. Grupi hetimor ndodhet në vendngjarje dhe po punon për zbardhjen e rrethanave të aksidentit, identifikimin dhe kapjen e drejtuesit të automjetit”, thuhej në njoftimin e bluve.